新聞回顧
任賢齊從心所欲
能夠隨心所欲過日子，也許是不少人的夢想，從寶島來的任賢齊也不例外，接觸過他本人，覺得他是個樂天又樂觀的人，就讓我們一起見證他的隨想緣。
今次訪問的地點很特別，那是一間裝潢饒有特色的酒吧，任賢齊甫走進來，就認出那些大字是「九龍皇帝」的真跡，不期然地笑了，其後在個多小時的拍照訪問裡，他一副悠然自得的樣子，時而跟著音樂哼歌，身體隨著旋律輕輕搖擺，好不寫意。
任賢齊是家中的獨子，自小住在鄉下地方，活潑好動的他，最愛周山跑，爬樹就是他最擅長的項目。「小時候，我希望將來當個出色的運動員，因為我一向很喜歡運動，有時候，也會想做一個記者，因為好像很威風的樣子，反正就是沒有想到長大會當明星哩!」他聳了聳肩，這時剛好電視播放著他的「對面的女孩看過來」MTV，他凝望了好一陣子，又自然地跟著哼調子。可能，如果他不入娛樂圈，才是令人費解的事哩。
任賢齊現在台灣的家，採用了開放式的設，他說最愛那份無拘無束的感覺。他有很多收藏品，如各式各樣的結他和心愛的電單車。但由於他每次到港都是來去匆匆，工作日程擠得密密，所以不會考慮在港置業。
問任賢齊年少時第一份兼差，他側頭說想不起了，那第一份買給自己的禮物是什麼?他笑了笑，說那是一支很普通的結他罷了，至於款式是什麼樣子，太久，忘了啦，只是那種用自己勞力賺錢買東西的感覺真的很正，即如他二十五歲時擁有第一間屋，落手落腳替自己的家粉飾佈置一樣，在記憶中，總是特別令人回味。
俗語說得好，有錢不是萬能，但無錢也是萬萬不能，那麼在他眼中，怎樣看待錢呢?「錢，夠用就好，太多錢的話，我覺得很煩，每天都會有很大壓力，時常都要為黃金股票或其他事煩心。我喜歡輕輕鬆鬆的過日子，隨心的做自己喜歡做的事，唱一些好歌，拍一些好戲，所以我蠻滿意現時的生活呀。」
任賢齊說每次收到劇本，都會有一份期待，期待自己成為另一種人，過著另一種生活。「在演戲方面，我不是天才，我需要經過一段時間才成熟起來，所以我會很細心地揣摩角色的性格，像今次飾演一個有錢仔，他的樂天性格本身與我很相似，都是慣以輕鬆的態度對待人和事，故此演繹起來也份外得心應手。」兩次拍攝浪漫喜劇，均興鄭秀文結片緣，任賢齊說她是個很好的對手，默契自然而生。但他表示他希望嘗試其他劇種，如動作片，讓他可以一展身手，聽了這話，各電影監製們可有興趣一試?
後記
酒吧老闆請任賢齊在牆上是字，他笑了笑，揮筆一點也不猶豫，寫了八個大字：「人生苦短，把酒當歌」，臨行前還與各人握手道別，令在場的人無不受他的親切態度所感染。
任賢齊 做個有錢人
認識任賢齊的人指他是個很真誠的人. “工作時認真, 生活時也認真”是任賢齊的謹守生命格言. 由於一切情真, 熱愛生活, 所以任賢齊擁有的, 不僅是金錢的富有, 並且是心中富有. (龔茵愫)
每一個曾經跟住賢齊接觸過的人, 都對他一致好評 : 認真, 尊重別人, 有耐性, 親切, 平易近人, 談話內容有見地……以上的特質我們都曾經在每一個娛樂圈冒出頭的新人身上見過. 可是我們亦見過堅持不了這些素質的藝人, 漸漸變成”偽人”, 在現實的娛樂圈愈跑愈後, 甚至OUT消了. 能堅持得到的, 人緣自至; 機緣一到, 便成天王天后. 任賢齊便是這麼的一個.
愛情與麵包
能促成是次任賢齊的訪問, 是因為賀歲片嫁個有錢人. 電影情節一如戲名, 女主角鄭秀文飾演的阿ME向流星許願 : “我想嫁個有錢人”, 於是一齣浪漫喜劇由此開展. 現實中, 我們也許都盼望”有麵包又有愛情”. 從男性角度出發, 任賢齊對愛情這回事, 又有甚麼體會?
“二話不說, 一頭栽進愛情裏, 是不成的. 要讓彼此保留一點距離, 給大家一段時間相處與觀察才行; 真心愛你的人, 會發自內心為你做很多事. 對方的眼神, 最騙不了人.”
任賢齊有一位固定女朋友, 兩人共處多年, 雙方維繫感情的秘方, “就是不要將對方變成生活的必然部分, 二人共處變成習慣, 便會不看重, 不珍惜. 要常常在兩人的關係裏找尋新鮮感, 新趣味; 爭吵之後, 有錯的一方要有認錯道歉的勇氣.”
人生如喜劇
人生如戲, 戲如人生, 任賢齊形容自己的人生, 猶如一齣喜劇. “無論如何人生是要往前走下去的, 既然如此, 何不開心一點. 認真地過生活, 做回自己喜歡的事.”
於是, 根據網站內有關任賢齊的資料檔是這樣寫著的 : 愛好音樂, 運動, 擅長運動, 包括越野摩托車, 潛水, 高爾夫球, 籃球, 棒球, 帆船, 滑浪……. 任賢齊則是這樣看待自己多方面的喜好 : “活在競爭大的娛樂圈中, 如你習慣了這種生活模式, 人便容易變得隨波逐流, 失去自我, 看不清自己. 非常冒險而刺激的運動可讓我挑戰自己. 在不同的新生活層面上有競爭, 嘗試不同的經歷. 事實上, 在每一種活動中都有不同的人產生不同的互動模式, 置身其中, 可當作是另一種休息的方式, relax refresh. 當回到工作崗位時, 便有新的動力.”
只有認真對待生命的人, 才會為生命畫上七色彩虹; 亦只有全心全意敬業的人, 才會在工作當中為自己加添趣味與內涵.
一切從生活開始
任賢齊的歌, 可說是膾炙人口, 三歲到八十歲的fans都瑯瑯上口. 他認為有此成績, 老天實在對他很不錯. 他謂要寫出簡單, 流行又能人人愛唱的歌實在不容易. 之前的對面的女孩看過來和浪花一朵朵, 都得到大家的認同, 的確值得高興. “環顧流行音樂的發展, 能流行幾代仍然百聽不厭的歌曲, 都是一些情感跟聽眾相接近的作品, 歌曲平易近人而親切, 歌詞簡單, 唱和聽的都有共鳴. 像Beatles, Eagles, Beyond的光輝歲月, 海闊天空等作品, 便是佳證. 我很相信, 歌曲歌詞感動不了自己, 便配合不了平民百姓的心情, 不能感動大多數人. 不會為自己和聽眾帶來壓力的作品, 便是最舒服並稱得上是最成功的作品.”
不過, 一切創作都得講靈感, 任賢齊表示, 他的靈感是從生活而來. “其實, 人的感情不外乎愛情, 友情和親情, 只要對身邊一切有情, 不愁沒有題材.”
所以任賢齊熱愛生命, 珍惜人生和他身邊的人.
齊心就事成
任賢齊做事認真, 工作態度嚴謹, 所以也喜愛工作認真的夥伴.
“甚麼都是teamwork, 只有緊守工作崗位的人, 合作起來, 才產生最佳效果.”
例如, 他今次與鄭秀文再度在電影中合作, 發覺她做事很認真, 所以在任賢齊口中, Sammi是個很好的拍檔. “她好勤力讀劇本, 之後大家會一起研究劇本, 所以, 戲中那些好sweet的笑位, 都能自然地流露出來. 我覺得彼此的表演方式很有磁場, 很有互動感覺. 她確實是位難得的演員, 能夠將天后歌手的身分放低, 沒有包袱地去做好自己的角色, 並遠遠超出導演的要求與期望.”
任賢齊一直強調, 自己未算很成功, 而唱片與電影方面的成績, 都是teamwork的結果. “一個人叻無用, 要全部都做得好, 才是all win.”
後記
問任賢齊到底富有的定義為何? 他以肯定語氣表示 : “我賺到的錢夠我花, 夠我穿, 夠我吃, 夠我喝; 有喜愛而又發展得不錯的事業, 還有疼愛我的家人和朋友, 已是相當富有. 雖然財富身家比不上李嘉誠, 但我快樂. 不過, 要享有這一切, 還得擁有健康, 否則, 有錢也用不到.”
任賢齊 : “我同Sammi好有默契!”
自從上年一套夏日的麼麼茶之後, 唔單只令小齊(任賢齊)人氣急升, 仲令佢片約不斷. 02年, 小齊亦接拍o左唔少電影, 而賀歲片嫁個有錢人仲再次同Sammi合作添! 不過記得上次佢同Sammi傳到”澎澎聲”, 今次再合作小齊唔單只話唔驚, 仲話大家都好有默契添!
同Sammi有默契
一套夏日的麼麼茶唔單只帶紅o左Sammi, 連男主角任賢齊最近都成為電影圈o既新寵, 02年賀歲片嫁個有錢人以(夏)片o既原班人馬, 已經第二次合作o既Sammi同小齊今次仍然飾演情侶, 不過小齊唔單只無避嫌, 仲話同Sammi好有默契添, 同Sammi合作好開心, 佢係一個好專業o既演員. 其實呢套戲同夏日的麼麼茶有少少唔同, 成個故事好都好有趣, 希望呢套戲有好成績,”
米蘭外景患思鄉病
嫁個有錢人因為係嘉禾02年o既賀歲猛片, 所以專程到米蘭拍攝, 雖然此行只係去一個月左右, 不過已經令小齊非常辛苦. “其實唔係拍戲辛苦, 只係食唔慣o的西餐, 記得去到第一日o個陣係食pazzi, 個個都食得好開心, 不過到第二日又係食pazzi, 其實大家已經唔係太想食, 點知到第三日又係食pazzi, 我o地終於頂唔順, 一大班人周圍搵有無飯食, 好彩畀我o地搵o左一間中國餐館.”
第一次見偶像
前排瑞士名錶奧米加邀請o左世界各地, 具代表性o既明星到瑞士參加一項雪車比賽, 而小齊亦係名單其中一位, 不過就係呢次旅程, 令到小齊完成o左自己心願. “係呀! 其實我一直都好希望可以見到自己o既偶像 F1 冠軍賽車手舒馬克, 不過估唔到竟然可能O係瑞士見到, 我仲問佢要簽名, 不過佢竟然問我係做咩工作, 真係好笑, 但係我都好開心.”
小齊, 心如齊齊賣首飾 情侶檔被迫打對台
任賢齊同林心如一樣來自台灣, 一個唱歌好一個樣靚身材正, 我外賣仔都好鐘意呢兩位藝人, 前o個排重晚晚追佢o地套電視劇新楚留香添. 不過上個星期外賣仔去台灣旅行, 就發覺呢對絕配o既螢幕情侶檔竟然被”監生拆開”o左, 小齊同心如俾唔同o既珠寶商睇中邀請佢o地拍廣告, 小齊就扮完天使又扮新婚, 形象鬼咁百變, 反而心如就一洗以往清純保守形象, 以迷人性感現代女性look示人. 外賣仔真係唔明, 既然廣告商都覺得佢地兩個有潛質做代言人賺女人錢, 點解唔出手闊綽o的, 一次過請晒心如同小齊, 食住新楚留香條水再扮情侶呢? 結果小齊廣告雖然有伴, 但就換o左Maggie Q, 外賣仔就話若果換著小齊攬住o個個係心如, 收效肯定大好多o者.
任賢齊 想娶個有錢人
嫁個有錢人係女人o既夢想，但原來任賢齊都有佢男人o既夢想，佢話恨娶有錢婆喎，唔通小齊甘為錢做「軟飯王」?
娶有錢婆好慘
《嫁個有錢人》裡面，小齊飾演有錢佬，係Sammi恨嫁o既對象，小齊話：「掉轉我係男人都想娶個有錢婆，唔使做幾好呀！」聽佢咁講唔通甘做小白臉？「都係讀書時o既幻想o者，唔會真係付諸行動o既，我有朋友娶著個有錢婆，依家日日俾佢鬧冇用，好慘o既！」咁又係，以小齊今時今日又使乜咁做播，佢仲有一番大道理添！「有錢就梗係識女仔、男仔機會高o的，不過未必係真愛嘛！」哈，又係o既，冇錢搵到真愛o既最佳例子？咪有同佢共過患難o既女友Tina囉！
勁讚Sammi好正
之前同Sammi傳過緋聞，小齊今次拍《嫁》片又會唔會刻意迴避對方呢？佢話「總之冇刻意親近，又冇刻意疏遠啦，大家都係朋友嘛！」而且小齊仲毫不避嫌力讚Sammi添！「平時Sammi已經好正，去到歐洲拍片襯埋o的景，就特別正。有場戲拍佢o係湖邊，斜陽夕照之下，我一見到即該話：『嘩，Sammi突然靚左好多呀！』」咁有冇愛上佢呢？小齊即緊張話：「千祈咪誤會，我愛都只係Sammi戲中演o既角色o者！」小齊你又話冇避忌o既？使唔使咁緊張解釋呀？
任賢齊 情繫古惑仔
到底是戲假情真還是假戲真做? 任賢齊近年的電影作品中頻頻飾演有錢人, 更聲言染到有錢人的怪癖. 當然, 拼搏精神有嘉的小齊, 並不以富家子弟的身份自居, 反而心底裏最想做的, 竟然是古惑仔!
要愛情棄麵包
電影嫁個有錢人中, 小齊飾演一名有錢仔, 與誓要嫁給有錢人的Sammi於機艙上邂逅, 還在米蘭發展一段浪漫非常的愛情故事. 現實中, 小齊的愛情觀卻與電影中大有分別. “首先我會覺得希望嫁個有錢佬或娶個有錢妻的觀念很正常, 不過我卻不能接受愛情建立在金錢之上, 若果我遇上同樣的事情或人物, 相信我不會再與她發展下去, 但若換轉要我為錢去娶自己不愛的人, 我情願捱窮.” 小齊非常堅決地說.
心中富有
自心太軟一曲走紅後, 小齊事業可謂如日中天, 開演唱會, 灌錄唱片, 接拍電影及電視劇, 錢當然賺不少, 但他更自詡比上市公司老闆更為富有. “近年工作很多, 錢亦能賺點, 相比起富豪級, 當然與他們還有一段距離, 不過他們可能每天都看著股市做人, 活得未必開心, 但我可選擇自己的生活及工作, 而且可以賺錢買到自己喜歡的東西, 已經很滿足, 況且心中富有比起物質富有更難得.” 小齊揚一揚眉, 神氣萬分.
生成富貴
繼夏日的麼麼茶後, 小齊再於嫁個有錢人中飾演富家子弟, 彷彿他官仔骨骨的形象已深入民心, 就連小齊也非常認同, 連聲道 : “我的樣子看上也有點富貴, 哈……其實我並非太公子哥兒, 或許喜劇中的有錢人, 要得到大家歡心的話, 最需要的是有觀眾緣, 而我可能亦因此點, 導致大家也愛我扮演富豪吧!”
為友打架
其實小齊一直希望扮演的, 並非斯文靚仔的有錢人, 反而是人見人怕的古惑仔, “其實我最想扮演黑道中人, 因為我很喜歡看英雄片, 覺得他們很帥很型. 其實我少年時的生活, 也曾試過為朋友出頭而去打架, 感覺上與江湖中人也有點相近, 因為大家也很有義氣為兄弟賣命. 若果將來有機會飾演這種角色, 我想我亦能勝任.” 想不到小齊還趁機向各大導演及監製自薦, 認真 HARD SELL呢!
小齊近況
小齊最近忙於為電影嫁個有錢人宣傳, 一連三天在香港出席公開活動及馬拉松式接受報章雜誌訪問, 稍後他更飛往馬來西亞, 台灣及中國等地出席該電影首映禮. 近年小齊接拍不少電影及劇集, 令他在東南亞的知名度不斷提升, 事業更上一層樓之餘, 荷包更進賬不少呢!
任賢齊 : “我不是一個好男友!”
賀歲片嫁個有錢人中, 任賢齊係有名有利外形出眾o既鑽石王老五, 得到Sammi傾心o既有錢人. 現實當中, 小齊係眾人心目中o既好男人, 有事業有成就; 佢亦係女性心目中o既好男朋友, 同女朋友拍拖超過十年感情始終如一. 但係問番小齊意見, 佢帶有歉意咁話多謝大家錯愛 : “我唔係一個好o既男朋友, 我太忙, 連陪佢o既時間都無, 咁又點算係好呢?”
新 = 新Monday
齊 = 任賢齊
新 : 第一次拍賀歲片有咩感覺同收穫?
齊 : 以前o係台灣睇香港賀歲片都會見到有好多明星, 好熱鬧咁一齊走出o黎講恭喜恭喜. 我o地呢套就有o的唔同, 當然都係開開心心輕輕鬆鬆, 不過因為佢係愛情片, 所以重多o左o的好sweet o既感覺. 呢次最大o既收穫除o左可以同一班好好o既導演同演員合作之外, 重可以同一o的音樂人同台做戲, 好似Sammi, 雷頌德, 盧巧音同林海峰.
新 : 第二次同Sammi合作o既感覺如何?
齊 : 好開心, 同Sammi一齊做o野係一件好舒服o既事, 同佢做對手戲o既時候唔使點諗點做戲, 睇住佢o既表情就會自然有feed back, 好容易好自然就入o左戲. 佢讀劇本都好用心, 拍之前又會搵我同導演傾偈.
新 : 上次同Sammi合作傳出緋聞, 今次驚唔驚傳媒舊事重提?
齊 : 會有少少壓力, 不過呢個娛樂圈就係咁, 始終要適應. 自己o既感情會唔會因此受到影響? 我諗唔同人會有唔同感受, 我自己就真係未試過. 兩個人o係一齊唔應該俾外界因素影響, 主要係睇你有無真心去珍惜呢段感情.
新 : 語言問題算不算拍港產片的障礙?
齊 : 叫做進步o左好多啦, 好多時我用我o既方式去講, 所以音未必準, 不過對演戲o既節奏唔會有太大影響. 同埋同谷德昭傾多o的偈都學到唔少廣東話, 重要係好街坊好地道o個隻. 點樣學好o的廣東話呀? 周圍問人再記低佢同埋唱多o的許冠傑o既歌囉, 總之要盡力啦!
新 : 點睇嫁個有錢人呢個題材? 你心目中愛情同麵包邊樣更加重要?
齊 : 呢個係好多小市民o既夢想, 女仔想嫁有錢人, 男仔亦都想搵個有錢婆, 有咁o既諗法唔係一件壞事o既. 電影係一個夢工場, 會令好多人o既夢想成真, 呢套戲入面o既主角o係麵包同愛情之間揀o左愛情, 但係老天都好幫手, 令佢可以兩樣都有齊. 現實生活中我會覺得一生人當中真愛唔係咁容易搵到, 而錢呢o的o野則無窮無盡, 若果有個女仔鐘意我o的錢多過我o既人, 我一定唔會希罕, 如果佢第日搵到一個比我重有錢o既, 咁我點算呢?
新 : 導演話你o既笑容同戇直o係香港僅此一家, 難得又有觀眾緣, 你又點睇?
齊 : o下, 唔係呀! 我都唔清楚點解佢咁話我, 我又唔係靚仔. 其實香港都有好多好o既演員, 大家o既風格都好獨特又出色, 最緊要堅持自己o既風格. 我諗我幸運o既地方係好多香港觀眾接受我, 同埋可以遇到好o既導演俾我發揮好角色.
新 : 未來再拍戲重想嘗試o的咩角色?
齊 : 好想做黑幫角色, 我首MV橘子香水係我自己寫O既劇本, 我就係o係入邊扮一個有情有義o既黑社會大佬, 睇過你就知其實我都幾有呢o的人o既氣質, 所以我最想就係做一個好似周潤發o既”Mark 哥”咁o既角色.
新 : 你係好多女仔心目中o既好男人又係好男朋友, 你自己點睇?
齊 : 我唔覺得我係一個好男朋友, 我太忙喇! 都無時間陪我女朋友, 係唔係好男人要睇我自己o既女人要求係點, 做番自己亦都可以令到自己o既女人滿意同幸福就係佢o既好男人. 我諗o係我女朋友心目中我會係完美o既, 同樣o係我心目中都係最好o既, 當然我希望未來我可以做得更加好.
新 : 有無諗過幾時結婚?
齊 : 睇緣份啦, 一生人最少都要結一次婚, 我好想亦都盡力可以完成呢樣o野, 而且希望可以一次過成功.
新 : 今年o既情人節會點過?
齊 : 跟住落去都要去大陸同埋東南亞做呢套戲o既宣傳, 不過農曆新年會放假. 送o的咩o野俾我女朋友呀? 我可以陪到佢就係最好o既禮物啦!
新 : 細個理想係乜o野?
齊 : 所有體育運動我鐘意睇又鐘意玩, 所以一直都好想做體育記者.
新 : 幾時o係香港開演唱會?
齊 : 我有計劃過, 可能會係今年o既五, 六月, 不過未落實, 我o係o黎緊o既新EP或者大碟會有o的新歌大家係鐘意o既, 咁我開演唱會先至可以準備多o的.
新 : 點睇今年樂壇新人? 有無帶俾自己威脅?
齊 : 每個人在唔同年紀唔同階段都要睇清楚自己o既位置, 要識得欣賞對手. 流行樂壇就係咁, 每年都會有新o既面孔新o既聲音出現, 要睇到人o地o既優點再改善自己, 咁樣先至會有進步.
新 : 你覺得自己最大o既成就係乜o野?
齊 : 我最大o既成就係我有幾隻歌係大家鐘意o既, 又有幾套戲大家都會記得, 呢o的其實係少少o既成就, 但係我o既要求唔高, 我覺得呢o的小成就就係我o既大成就. 不過我最希望係就算有一日我名成利就, 但我o既心都唔會變質.
後記 : 這樣也好
我告訴小齊, 幾年前和男朋友分手, 我在海邊聽著這樣也好, 邊聽邊哭; 後來和他和好如初, 我希望他能夠給我唱一首給妳幸福. 說到這裡, 小齊用手輕拍我的肩膊, 他的人像他的歌一樣能讀懂別人. 這樣也好與給妳幸福都是任賢齊的歌, 是伴著我成長的歌. 今天, 能面對面訪問小齊, 能聽小齊用木結他彈給妳幸福, 寫稿時身邊坐著帶給我幸福的人, 我覺得這樣真好.
任賢齊招積得起
有人話你”招積”, 可能是語帶貶意, 不值得高興; 但加多”得起”兩個字在後, 即代表你有真本事可以炫耀, 而你無用到, 絕對是褒獎你. 去年任賢齊(小齊)成績如何? 唔…….可能你只記起一套不太受歡迎的電視劇新楚留香, 以及一個冰紅茶廣告, 其他已忘記了. 雖然平靜的一年, 卻沒令小齊人氣下跌, 皆因他早幾年儲起一筆本錢, 包括中港台大批fans, 票房的保證等, 去年只是動用儲備去維持人氣. 靠住這些本錢, 02年他可能繼續揀戲拍, 可以暫時放棄拍人人趨之若鶩的中港台電視劇, 更可以計畫5月份開演唱會. 你可以說他 : “你都幾招積喎!”, 但小齊真係有本錢招積得起.
喜劇之王
小齊的形象係跑跑跳跳無時停, 加上笑容滿面有幽默感, 自然成為愛情喜劇的最佳人選. 不過這優點亦局限了他的演戲生涯, 就算星願入面他演得有多感人, 最終只換來夏日的麼麼茶及嫁個有錢人兩套喜劇片約. “係喎, 點解呢? 不過星願都唔係一套喊戲, 只係笑中有淚, 我初初識柏芝那段戲都好開心o架. 其實我鐘意拍o既戲係較為人性化, 就算係笑都係要發自內心, 將故事拍到好似發生o係身上一樣, 等觀眾睇落有共鳴.” 要套戲拍得夠生活化, 小齊覺得同對手有默契是最重要. “睇劇本時, 我會諗如果呢場戲咁樣演o既話, Sammi會有咩反應呢? 結果大部份都估中, 減少好多NG, 我諗呢個就係默契掛.” 影評人協會今年頒最佳女主角俾Sammi, 連影后的戲路都捉到, 這份默契認真不簡單.
最怕電視劇
歌星拍電視劇, 無非是要擴闊fans層面, 因為由三歲到八十歲都可以扭開電視睇你演出. 新楚留香剛剛在香港播完, 反應彈多過讚, 花長時間去拍一套俾人罵的劇集, 有無覺得不值? “我唔會介意, 電視劇就係咁, 你有睇就有資格做影評人. 不過套戲的確拍o左好耐, 40幾集一味趕趕趕, 每日都睡唔醒就開工, 根本唔使諗點拍, 導演叫你做乜就做乜. 所以我鐘意拍電影多o的, 你要盡力去演先可以吸引人買飛睇; 而且拍電影好有大明星感覺, 高高在上, 我好享受. 02年會減少拍電視, 轉為唱歌及電影為主.” 難怪小齊咁大口氣話減產, 皆因小齊是票房保證, 每次都有不俗成績, 更有傳他以過千萬身價簽約某電影公司, 加上佢之前兩套電視劇神鵰俠侶同笑傲江湖在國內都大熱過, 新一年已經唔使靠電視劇去爭取”客路”, 都係時候轉番做歌星.
唔再任人砌
記得小齊99年來港開演唱會, 第一句說話就係用半鹹淡廣東話講 : “大家蠔, 我係任人砌(大家好, 我係任賢齊)” 搞到全場觀眾未聽到佢唱對面的女孩看過來, 心情就已經High到震. 之不過來港發展3年多, 小齊知道再用這方法去取悅觀眾已經不行, 所以索性積極學好廣東話. “拍麼麼茶o個陣我講國語, 後期先配番廣東話, 今次嫁係現場錄音, 壓力好大呀, 因為我驚蹝菲林.” 嫁片的主題曲我是有錢人曲詞都出自小齊手筆, 原本想填上地道的廣東話, 不過經導演谷德昭過目後, 得番一句”我是有錢人”係廣東話, 其他都要改番做國語. “佢話我o的歌詞怪怪地, 香港無人咁講o野.” 雖然今次徹底失敗, 但小齊話想試落去, 因為佢覺得現時廣東歌太多談情說愛, 好想用地道的廣東話去唱香港的一事一物. 現今樂壇正吹捧唱作歌手, 小齊是個百分百唱作人, 若這幾個月加把勁的話, 5月開的演唱會應該又會掀起撲飛熱.
後記
雖然係第一次訪問任賢齊, 但你會覺得自己的預知能力非常準, 因為係估到佢入到餐廳會同所有工作人員”Say Hi”握手; 訪問時佢會手舞足蹈, 表情多多; 影相時有求必應, 甚麼表情都可以; 訪問完影合照, 會樂於輕搭你膊頭笑容滿面. 能夠估得咁準, 皆因小齊出名好人, 親切到不得了. 不過令記者估唔到的是他要求訪問時坐地下輕鬆o的; 試完寶麗來後, 要攝記簽個名留念; 就算趕時間, 都輪流同所有人影完合照先走. 可能小記仍當他是大明星先會估計錯誤, 原來小齊可以親切到好似你朋友一樣.
插圖 1 : 小齊話自己最想扮黑社會大佬, 仲要係英雄本色Mark哥那種. “佢每個動作, 每句對白都設計到最有型, 我都想試下. 所以傷心太平洋同橘子香水MTV, 我都要求要扮大佬過下戲癮.”
插圖 2 : 嫁片係講Sammi一心要搵個有錢老公, 現實生活中, 小齊對錢睇得好輕 : “有好多有錢人做到o既o野, 窮人一樣做到, 你駕法拉利, 我踩架單車都得, 不過慢o的, 無人留意, 但就夠安全又唔怕俾人偷, 不過點都係有錢好過無錢o既, 嘻嘻嘻……..”
幸運是我 任賢齊
“其實我真的很幸運!” 任賢齊說.
幸運是有一個沒當他是搖錢樹的經理人, 工作隨他自己揀, 電影劇本沒興趣的可以不接.
幸運是出道七年, 拍過的電影不多, 現在卻被捧做嘉禾一哥.
更幸運的是與鄭秀文及莫文蔚的緋聞傳得熱哄哄, 但跟拍拖接近十四年的女友 Tina 依然感情未變, 至死不渝.
任賢齊, 你真的很幸運!
“我與Sammi好夾”
記 : 拍嫁個有錢人與鄭秀文再合作, 擔心再傳緋聞嗎?
齊 : 其實我們的重點是套戲, 我諗傳這些也是大家好奇, 這些事我們沒法控制的就算吧, 不用理會, 最緊要套戲拍出來好睇嘛!
我與Sammi默契愈來愈好, 大家好夾, 我覺得與她拍戲好舒受, 她很用心, 很投入, 她做戲的時候好自然, 不似扮o野或做戲, 雖然大家都知劇本講乜, 但她令到我們很快入到戲.
我是男的, 有緋聞不太重要, 不過說到底她也是女仔, 為對方帶來麻煩或不便的話, 就不太好了. 好像我跟莫文蔚一樣, 我們不會因為怕傳緋聞而避免見面, 我們仍然有空會相約食飯及通電話, 其實我們有自己的相處方式.
對票房好有信心
記 : 嫁片是夏日的麼麼茶延續嗎?
齊 : 其實兩片不大相同, 我諗大概也是因為組合一樣, 依然是我同Sammi合作, 所以大家有這個看法. 不過我都希望大家睇完之後, 都會一樣咁開心.
票房? 我沒想過. 我只希望新年時候大家睇完套戲都係笑住離場, 開開心心, 不會行出戲院時鬧我們, 但我對這套戲都有信心, 因為我們每個人包括導演及工作人員都好投入, 成班工作人員大家都好有成就感.
拍嫁個有錢人時雖然同Sammi合作的對手戲最多, 但我最開心的就是跟一班在影壇和樂壇的實力派藝人合作, 好似達明, 田雞……, 想不到我們有機會合作, 他們好得意o架……! 重有Candy(盧巧音), 我一直覺得她在音樂上是一個很有性格的女歌手, 很有思想, 很cool, 原來她也很搞笑. 而修哥(胡楓)呢, 我第一眼見他覺得他很似我爸爸.
想放多點時間在音樂
記 : 覺得自己拍電影的成績比唱歌好嗎?
齊 : OK啦! 其實是Balance(平衡)的, 你看星願及夏日的麼麼茶裏面都有歌曲在內, 大家睇完戲都識唱, 像浪花一朵朵這樣. 可能是我早前放了很多時間在戲劇方面, 其實我一年才會出一張大碟, 加上我以前又會拍電視劇, 你知拍電視劇佔很長時間, 根本沒法做其他工作, 所以我今年盡量不接電視劇, 因為我想放多點時間在音樂方面.
我不是一個唱歌技巧好好的歌手, 我的歌只是大家容易入口及較為深刻, 我都希望唱歌的時候可keep住大家的心情及感受, 這個便是我的優點, 但我都會盡力做. 其實我的歌都很簡單, 我不想畀太多壓力在我的歌裏面.
我會用最簡單的方式創作歌曲, 不想太多去做, 純粹靠感覺就是最好, 感情其實很簡單的, 我希望創作的歌真的可以有自己的感情在內, 唱出來可以感動自己, 才可以感動到其他人. (你會自己創作嗎?) 我會呀, 但不多, 有些歌自己認為不適合大碟的feel, 也不會放入去.
記 : 有否覺得先後出道的王力宏及周杰倫蓋過你的人氣?
齊 : 其實我沒什麼壓力的, 有句說話說得很對, [江山代有人才出], 我們要懂得去欣賞別人的優點, 現在的潮流是怎樣我們又要看清楚, 最起碼要keep住, 譬如話時下大家鐘意聽什麼流行歌, 跟住分析一下自己的優點是什麼, 因為每一個人的風格及特色都不同, 要分析下自己有什麼優點吸引到別人喜歡, 再吸收一些新的音樂, 吸收一些新的流行資訊.
“做一哥好大壓力”
記 : 近年由你主演的電影成績不俗, 有說嘉禾打算捧你做一哥, 有何感想?
齊 : 嘩……好大壓力o者! 哈哈……我拍電影不是太多, 但我覺得好幸運, 我覺得別人睇中我, 真係好開心呀. 我希望可以慢慢做好每一部戲.
現在拍電影, 我會揀劇本, 看看劇本是否吸引, 題材, 角色自己想試嗎? 適合自己嗎? 我還會站在fans, 觀眾的立場, 會不鐘意我拍這部戲嗎? 其實我好想試拍動作片, 但可惜現在很多人找我, 都是拍一上浪漫愛情片, 有機會的話我真的很想嘗試做其他角色.
我係男仔所以會鐘意拍動作戲, 因為在畫面上看會覺得好犀利, 好有型. 我覺得自己都有少少這方面的才能, 我拍過武俠片, 武俠片和武打片又不同啊, 不同的方式, 不同的內容, 在演戲入面我會吸引到新靈感.
“其實我好幸運”
記 : 如劇本需要, 會否介意作出”藝術犧牲”?
齊 : 我會諗下是否必要, 如果無端端要除衫, 或者除褲……..我要同導演傾下, 這場點解要這樣做, 若果他有個合理的原因或說給我聽他的想法, 我也會做. 但如果只是想做一些噱頭, 我覺得沒必要o者! 如果這些也能賣錢的話, 全部演員只是剝光豬就可以了!
早前我看過藍宇, 我覺得阿軍(胡軍)演繹得好細膩, 好似王家衛導演的春光乍洩一樣, 把最真的感情表達晒出來. 什麼角色我也會揀, 如果我接受了這種角色的話, 我一定信任導演.
其實我的經理人一向會讓我選擇工作, 其實我真的好幸運, 有很多工作任由我揀, 我可以揀一些我鐘意的, 有興趣的工作才做, 或者有其他不是太緊急的工作就遲些才做
今個新年我會返屋企同屋企人一齊過, 不過都沒有特別事情做, 除了中國人最喜愛的打麻雀及拜年啦! 就當是給自己一些休息時間, 不用工作的時候可以清醒頭腦, 趁著新年空閒可以編排一下我的時間表, 準備一下今年要做的事.
節錄文匯報
小齊拜太歲求順境
小齊誠心拜太歲。
【本報訊】(記者 譚貽文)任賢齊屬馬，今年犯太歲，不過小齊一樣鴻運當頭，賀歲電影《嫁個有錢人》票房收入領先，令他很是開心。
早前來港宣傳，小齊聽說玄圓學院的太歲十分出名兼靈驗，是太歲總部，於是他抽空前往參觀及參拜，希望來年順景。雖然是台灣歌手，不過連香祝的婆婆也認出他是大明星，還指著他說：「憮茪j明星呀……阿婆老，唔記得你個名，任齊咩話？」小齊尷尷尬尬謙稱道：「叫小齊得啦，婆婆。」進入太歲廟，小齊拜見代表他出生年（一九六六年）的馬太歲，馬上開心笑道：「你睇我個太歲爺爺幾威武！係武將軍韓部I」誠心參拜後，小齊更順道為家人祈福，希望父母身體健康。
在台灣，每到新年，小齊謂母親又或是公司助手必定代他去拜神、祈福，他甚少親自去，因為他們不讓他去，說會引起混亂，阻礙其他拜神的人，反而小時他有跟過母親去廟，不過當年十分頑皮，竟然偷化寶爐去燒番薯食，後來給人捉到，並且被打了一頓。
有說犯太歲的一年運氣會欠佳，小齊謂不會擔心，因為一個人只要是好人，一定能逢凶化吉，拜神不過是求個安心。而柯受良教他，今年要穿紅底褲過年，這樣便可以化解。小齊更大爆小黑去年因犯太歲，穿了一年紅色底褲，又笑說：「我就同黑哥講笑話，你反正這麼多紅內褲，今年你不再犯太歲了，不如給我穿吧，免我浪費錢買，哈哈哈……，我當然不會穿黑哥穿過的內褲啦！香港的歌迷已經買了很多當禮物送我，我會不會穿？這是秘密，不能告訴人。」
節錄成報
任賢齊化身動畫主持節目
任賢齊昨午由台灣飛抵本港，在機場見到記者時，他只說自己此來是為了開會，跟住便匆匆走人。香港電台製作全港首創的雜誌式全動畫電視節目《動畫8拍》，日前邀請了小齊為節目進行錄影工作，以前所未有的動畫化形象擔任嘉賓主持，介紹日本機械人動畫的主題。任賢齊自小對動畫深感興趣，尤其對日本機械人情有獨鍾，今次趁錄影這個節目，可以探討到日本機械人動畫電視片對年青人的深遠影響。
今次，小齊將會變成有型有款的機械人駕駛員，威風凜凜的接觸。為了和觀眾一同探索及創作動畫，節目特別舉辦了《動畫8拍片頭創作大賽》，讓更多發燒友進入這個動畫世界，節目監製王璐德表示，《動畫8拍》透過介紹不同的動畫媒體，以多角度去審視它們和人的關係。全部共有八集，內容包羅萬有，有「動畫專題」、「動畫教室」等。
節錄太陽報
任賢齊赴京與趙薇領十大之星獎
文： 黃麗君 22/02/2002
任賢齊昨午出現機場離境大堂，他表示今次是飛往北京出席當地的《華娛亞洲十大之星頒獎禮》，隨後再趕往上海拍攝新一輯飲品廣告，他坦言酬勞略有增加。
據知《華娛亞洲十大之星頒獎禮》的得獎名單除有小齊之外，台灣方面還有林心如；香港則有黎明及劉德華；韓國有宋慧喬、宋承憲、張東健、元斌及安在旭；而趙薇就成為大陸唯一得獎的藝人。
節錄東方日報
任 賢 齊 鍾 情 長 沙 商 舖 購 兩 單 位 斥 資 一 千 萬
任 賢 齊 日 前 赴 長 沙 ， 主 要 是 看 中 了 長 沙 的 黃 金 碼 頭 黃 興 南 路 步 行 街 ， 計 畫 購 置 其 中 幾 個 商 舖 來 發 展 事 業 ； 今 年 一 月 份 他 已 經 從 台 灣 透 過 國 內 一 公 司 落 十 萬 元 人 民 幣 訂 金 作 為 購 買 商 舖 的 承 諾 ， 這 次 他 又 特 別 與 一 著 名 品 牌 合 作 ， 聯 合 購 買 步 行 街 一 樓 的 兩 個 商 舖 ， 資 金 高 達 一 千 萬 元 。
他 與 經 理 人 與 發 展 商 經 過 三 個 多 小 時 的 談 判 ， 雙 方 簽 了 合 約 ， 之 後 任 賢 齊 匆 匆 乘 車 離 去 ， 再 飛 往 北 京 接 受 「 華 娛 十 大 亞 洲 之 星 」 頒 獎 。
任 賢 齊 近 年 在 演 藝 事 業 發 展 十 分 理 想 ， 現 時 有 意 進 軍 商 界 亦 是 順 理 成 章 的 事 ， 不 過 他 鎖 定 的 不 是 上 海 、 北 京 ， 而 是 比 較 冷 門 的 長 沙 ， 卻 是 令 人 感 到 比 較 詫 異 。
